TVB上位小花回應住豪宅好有錢！龍年望進軍一廠

原標題：TVB上位小花回應住豪宅好有錢！龍年望進軍一廠

陳懿德（德德）在2022年參加《香港小姐再競選》，憑住搞笑又有個人風格的腹語表演突圍而出奪得季軍。正當工作量開始增多之際，去年初她卻因為打波整傷韌帶，要停工休養兼做腳部手術，對正值上位期的她來說，可謂是晴天霹靂！不過，她在腳傷後仍然工作不斷，早已達成年初訂立的目標，不但有監製跟她說：「唔緊要啦，你整親腳，我的就做個坐低嘅節目啦。」

她更成為重頭節目《亞洲超星團》的唯一後訪專員，亦因癲癲得得性格而有不錯的觀眾緣。趁住農曆新年，《01娛樂》相約德德整蘿蔔糕，順便講下龍年願望，她說：「希望做到一廠大騷司儀！」

場地：Studio Meta

德德前日（9號）剛剛26歲，生日與年三十重疊，但就要在工作中度過，她自言由細到大都肥底，23歲選港姐前未瘦過，當時地獄式減肥瘦返當然開心，還買了很多新衫，但去年腳傷意外後，兩個月休養時間被迫停止運動，令她體重瞬即飆升10磅。

德德沮喪不已，更一度陷入容貌和身材焦慮：「抖完我開始要返工，但啲衫著唔落，企喺啲衫同褲前面揀唔到著邊件，真系喊左出嚟！」

眼見自己愈來愈有肉，但那時傷到連去廁所都要坐輪椅，又如何做運動呢？這種無力令德德深感委屈，不過她後來慢慢想通，明白到這只是過渡期：「我會慢慢變好，呢個唔系永久嘅stage，之後會越嚟越好睇！我會更努力畀大家見到更好嘅陳懿德！」

德德最近主持新春開運節目《風生水起》，接觸到多位玄學家，想必有趁機會叫對方贈自己幾句，她透露李丞責師傅讚她今年財運好、驛馬星動適合拍旅遊節目，亦適宜拍感情戲。

不過感情運方面，師傅就話麻麻，德德失望說：「佢話今年桃花唔太突出啊！佢講完一堆野，我聽得好開心，跟住我就話，丞丞師傅我想問我今年嘅桃花點呀？佢諗左好一陣嘅，跟住佢話，你今年桃花就……唔太突出，所以唯有努力工作先蘿。」

爆許文軒比徐文浩鹹濕　教催財兩招

德德又大爆料，指拍攝期間有一個冇出街環節，從面相睇哪位男拍檔比較鹹濕，她笑唔停叫記者估答案，笑說：「正常人都應該系估文浩鹹濕啲啦系咪？但系系Edmond（許文軒）呀！」

之後還不斷幫兩位拍檔講好說話。而拍完這個節目，德德亦學識不少催運大法，現在教大家幾招：「今年嘅正財位系北面，要擺啲紅色或者金色嘅飾物或者物品。如果偏財位就系東面，呢啲位置可以擺豬仔錢罌或者一缸水。（你有冇真系跟住做？）我有呀，成日喺屋企攞個指南針周圍度呀！」

回應住豪宅好有錢　首次派利是超有心思

講起屋企，德德不時因為「屋企大」上報，指她位於元朗的大宅樓底極高，有巨型飯廳容納到20人開Party，她亦不諱言屋企空間夠、坐得舒服，過年的確是其他人到訪她家拜年居多。

對於「有錢女」標籤，原來在入行前已經有，德德說：「其實我由細細個，有時人的都會有啲標籤，形容我屋企有錢，但系我會覺得嗰啲錢唔系我，屋企有或者爸爸媽媽有，系佢的嘅事，但系我好希望系我自己搵到，然後我養返佢的，所以我喺大學時期已經冇再問屋企攞錢，瘋狂補習，希望唔好靠佢的畀零用錢，而自己自給自足，交學費。」

未完待續,請點擊「下一頁」繼續閱讀