張頴康爆劉德華無脾氣 補貼到正式簽約TVB：貼到夠曬生活
張頴康爆劉德華冇脾氣 補貼到正式簽約TVB：貼到夠曬生活
現年42歲的張頴康初出道有「劉德華契仔」之稱，劉德華以身教教識張頴康潔身自愛，「我諗我今時今日都冇乜緋聞，除咗多謝老婆對我好好之外，仲要多謝華哥，因為佢教識我唔好亂搞男女關係。」
武術指導黃明昇介紹入行
一切要從張頴康遇上武術指導伯樂黃明昇說起。當年劉德華公司開經理人部門，黃明升找到張頴康，問他是否有興趣加入。
張頴康原打算考警察，但中六時他已希望自食其力，見過報刊及文員多個職位，均被拒絕，剛好復活節假遇上黃明昇，「我咪話：『好呀，試嚇囉，睇嚇有冇錢啫！』唔知點樣試咗又Ok喎。」有黃明昇推薦，張頴康順利地加入了劉德華公司，「我著住校服去簽約，間公司喺鰂魚涌。」
拍《老鼠愛上貓》劉德華親自教做戲
劉德華雖然是大忙人，但仍抽空培訓旗下藝人，「有一次拍《老鼠愛上貓》，其實唔係咁多戲，做啲王朝馬漢、張龍趙虎，其中一個跟住佢，中間有場戲係打功夫。夜晚返到去酒店房，隔籬動咁樣，食完飯佢都會指導返我，其實你應該要點做。」
張頴康指：「我見啲訪問成日見到佢話自己好大脾氣，其實我未見過佢發脾氣，我從來都未見過，我都冇感受過佢惡。」一次劉德華新年派是，張頴康與林家棟、鄧肇欣試探劉德華記性，「翻Round」攞完又攞，張頴康笑言：「攞第二封嗰時佢個眼神係：『你好似攞過㗎啦喎，你又攞？』但佢就冇嘢嘅，照畀你。但第二封就就梗係冇攞到啦，我哋玩完就算啦，試嚇佢記唔記得啫！」
補貼到正式簽約TVB
「我從來未見過劉德華發脾氣。」張頴康對劉德華極廣闊胸襟記憶猶新，人工亦「絕對夠使」。工作一段日子後，張頴康有見林家棟、連偉健均從TVB出身，生起入藝訓班念頭，而劉德華亦十足支持，一口答應補貼張頴康直至正式簽約TVB，「半年嘅訓練班時間，補貼到你夠曬生活。」
未完待續,請點擊「下一頁」繼續閱讀
