節目巡禮2025｜丁子朗原來手執最多劇成劇王

丁子朗其實平時都有看網民的意見及評語，但最近不少有網民表示「丁丁係唔係被人雪藏咗？」，丁子朗表示看完後「一頭霧水」：「好大個問號！可能因為我拍劇，拍劇唔係即時播就覺得好耐冇見我咁樣，其實拍綜藝呢，拍完下個禮拜就可能即刻出街，甚至當晚即刻出街，就覺得拍多啲綜藝就好啦，呢兩年都係咁拍劇。」

而被問到會否像去年一樣接拍「真人騷」時，他坦言「會」而且說：「做真人騷嗰面其實對藝人嚟講係最輕鬆舒服，做返自己。」

而有關他早前透露過自己即將以歌手出道，但等了又等後到現在還未見到新歌推出，他解釋是因為已經接近年底，所以推出新歌「未係時候」，結果就推遲了少許。

丁子朗更透露有機會在個人的見面會上讓粉絲「先聽為快」：「可以畀大家率先聽嚇，或者率先睇個MV都得嘅！MV同歌其實都差不多了。」丁子朗表示已經問過很多人，大家都告訴他現在出歌有點不利，所以延至下年年初才推出新歌。