羅天宇呻被「女神收割機」綽號拖累：對我好不公平

專訪｜羅天宇呻被「女神收割機」綽號拖累：對我唔係好公平

羅天宇可說是「女神收割機」的代名詞，由林芊妤到苟芸慧，再到湯洛雯，每位都是「女神級」藝人，幸福程度簡直是拋離尋常人十幾條街，但看似是「男人之最」的他，竟然於年輕時，不止一度而好幾度懷疑自己的性向。

呻被「女神收割機」綽號拖累：對我唔係好公平

每當與羅天宇提起「女神收割機」時，他總會微笑著問：「不如講其他話題？」又或是說「又講？」但相比起其他藝人，每次他總會知無不言，落落大方地回答問題，著實令人又愛又恨。想當然，完全不答是不可能的！要講他的愛情史，就倒不如聊一下他對「女神收割機」這個稱號的睇法。

對於「女神收割機」這個稱號，他直言覺得不公平。「我覺得有啲...唉...點講呢？（對你唔公平？）都係嘅，因為好多都唔係真嘅，都係傳或者俾人寫，第二就係做呢行個個都係『女神』，所以就，我覺得好多男藝人或者歌手，大家嘅伴侶都係『女神』。（暗示其他人比你多，但只有你被稱女神收割機？）哈哈，係。同埋有咗呢個稱號之後，好多記者就會搵方法寫多啲，因為Juicy。」

他舉列，與一班朋友打籃球後合照又會被傳媒大做文章，與女性友人食飯又遇到同樣情況。「係囉，有啲唔公平，但係又冇辦法，支筆喺人哋度。唯一可以做就係做好自己。」

啱啱入行就俾高層珍姐訓話

羅天宇直言，中學讀書時期的他言談舉止都頗為乸型，亦因此而引起一些誤會。某些同學見他沒有女朋友時，更直接問他：「你係咪基㗎？」類似的問題，其實也曾於他入行之後發生，又因此而令他遭到TVB高層珍姐（曾勵珍）的訓話。

講到此事，他在《香港01》專訪中回憶起當時的情況。他說：「嗰個畫面，其實實質真係唔係好記得，因為十幾年前發生嘅，但係我記得嗰時啱啱選完（2008年《香港先生競選》），跟住監製就同我（一齊）行去公司某一個位，咁珍姐咁啱迎面而嚟，然後監製就介紹，就話佢係香港先生。跟住佢（珍姐）就鬧我。」

未完待續,請點擊「下一頁」繼續閱讀