羅天宇呻被「女神收割機」綽號拖累：對我好不公平

珍姐：行路思思縮縮，講嘢陰聲細氣

他續說：「佢第一下就話：『乜行路思思縮縮㗎？細細步咁樣，行大步啲！挺直個胸膛，做咩捲埋一舊？咁冇自信咩？講嘢陰聲細氣咁！』咁囉，即係可能自己習慣對住前輩就要好恭敬咁：『珍姐您好』細細聱咁樣，可能因為咁就畀佢一種思思縮縮嘅感覺，佢唔鍾意，認為我要男人啲。呢段一路都喺個腦海之中，所以每次見到佢都會即刻挺起胸，行大步啲，唔可以碎步。」

他表示，被訓話之後就一直記住那句說話，說：「到而家都怯，唔好話嗰時，怯咗十幾年。」從現在回看當時的情況，表面上珍姐雖然看似「好惡」，但其實正因為這次相遇而馬上改變了羅天宇的習慣，亦幫助了羅天宇的星途。

在學時，入行後被誤會是同性戀

聊到為什麽會「思思縮縮」「陰聲細氣」時，他想了想，然後就表示可能由於自細從女人堆長大的關係，所以不知不覺中形成了這種性格。其後羅天宇更大爆小時候在學時期，曾因為這個特質而被同學誤會是同性戀。

羅天宇：蘭花手都儘量收埋

羅天宇說：「自己都有懷疑過自己係咩呢？嗰時對自己唔了解，同埋自已動作同埋所有嘢都唔係好豪邁。（蘭花手？）蘭花手都......儘量收埋，哈哈。即係，有段時間自己都懷疑自己。譬如我出街望啲男仔，留意嚇，唔係話鍾意嗰種，而係覺得『嘩咁有型嘅，咁高嘅？』到而家都會好羨慕，但係又真係冇，真係鍾意女仔。」

測驗自己性向

對於自己的性向，羅天宇坦言當年曾經認真地思考有關的話題。他說：「當認真去諗嘅時候，我一諗男仔同男仔，打個譬如，我同呢個男仔一齊會係點呢？咁又真係覺得唔可行喎，經歷過幾次來回思考之後，就確自己唔係嘅。」

問他當年有否上網睇片測自己的性向，他就馬上耍手擰頭，說：「冇冇冇，唔得唔得唔得。」