TVB新晉視帝隨時閃婚！視後表示已催旺桃花趕嫁

振朗坦言很喜歡小朋友，雖然談婚論嫁似乎言之尚早，但以兩人性格而言，有機會玩閃婚：「大家事業衝刺緊，暫時唔諗住，不過我同女友唔鍾意講定一樣嘢，可能突然之間出現個念頭就會做。（會閃婚？）我覺得我哋似系呢種人。」

問到現時最想做甚麼？他笑言最想放長假，跟家人去個家族旅行：「呢樣系第一大事，我同屋企人5年冇一齊去旅行。」談到未來發展，客串過電影的他希望可以再挑戰拍戲：「絕對相信系另一個世界，張繼聰成日同我分享拍戲嘅嘢，我聽到好開心。」

他指演員很被動，未必想就能做到，但會做好準備靜待時機：「近排如果唔使返工會7點起身送姪仔返學，之後做Gym，返屋企就睇戲做嚇功課，睇到有幫助嘅就會寫低，想預備好自己先，機會一嚟就可以捉住。」他笑言近年演太多沉重角色，現時最想演喜劇放鬆一下。

入行16年的龔嘉欣在TVB《萬千星輝頒獎典禮2024》憑劇集《企業強人》奪得「最佳女主角」獎項，事業有成的「女強人」在感情路上卻仍需努力。

雖然曾與日籍甜品師傳緋聞，但她強調自己單身，蛇年會加把勁結識愛錫她的伴侶：「可能我早入行，大家睇住我長大，當我好似系女咁，戥我心急。我都真系好想搵到人錫，但系需要時間了解，目標當然系組織家庭、結婚，畀大家講嚇講嚇，我都覺得真系要加把勁。」

愛花的嘉欣新年在家中添置桃花，「順便」增強姻緣運，她說：「細個屋企有擺桃花，覺得粉紅色好靚，可以順便求埋姻緣都好嘅，始終到呢個年紀。以往會將工作放喺第一位，每日都有做唔完嘅工作、瞓得好少，將自己塞滿，今年會放鬆番少少，時間分配得好啲。」

肖蛇的她雖然犯太歲，但自言佛系，不打算攝太歲化解，亦不擔心運程起伏帶動情緒波動：「我系好容易開心嘅人，開心、唔開心都好容易唔記得，試過做身體檢查24小時監察心跳，醫生話好少見人心跳一路咁平穩，話我心如止水，我系㗎，真系長期放空狀態，唔系諗好多嘢嘅人。」

未完待續,請點擊「下一頁」繼續閱讀