張學友否認財困！講明唔退休出年拍電影還人情債

歌神張學友後日（23日）將推出「神級巨作」《學友‧經典世界巡迴演唱會》精裝CD，紀錄歷時2年3個月的233場巡迴演唱會，分台北站及香港站再見篇兩個版本，並分別內附不同內容的精裝別冊。大碟未公開發售已率先搶奪佳績，香港首批預訂突破白金銷量，同時亦獲兩個銷售榜冠、亞軍，成績彪炳！

今日（21日）適逢冬至舉行線上記者會，學友指對新作了如指掌，無論內容、包裝、每個細節都非常清楚。問到為何會有兩個Version？他解釋因為以往出唱片都有習慣提供不同版本，可迎合不同Fans的喜好，及後學友更化身KOL即場「開箱」介紹大碟，還搞笑反問：「帶貨系咪都系咁？」又講到內有加入幕後花絮畫面。

他表示希望讓Fans窺探更多製作過程：「我敢講呢個演唱會幾乎系由頭到尾，由籌備、演出、到後期設計同製作我都有份參與，能反映我嘅演唱生涯，所以系好值得收藏。」他並透露Chok爆側面封面相都是由他挑選兼親自操刀栽相：「喺每次巡唱過程入面一定會遇到身體唔舒服嘅情況，每次睇到呢張相個感覺都好強烈，當中充滿住淚水同汗水。」

除了淚水及汗水之外，值得一提的是學友因於此巡迴演唱會多次發功「捉犯」，合共逾80名通緝犯睇騷落網，而他被網民神封做「逃犯剋星」，學友聞言即捧腹大笑話：「我記得！我記得！為社會做事好開心！多謝啲逃犯嚟捧場，但亦都對唔住佢哋，唔好意思！哈哈！但就算唔喺我度，都可能喺第二度畀人捉。」

是次巡演共233場破個人開騷紀錄，問到之後再想自我挑戰？他直言當時演唱會期間都有工作人員跟他說可以繼續唱，不過他指追求紀錄是永無止境的事，想按照自己計劃完成：「可以做到300、500場，有冇咁多人想睇呢，唔知道，睇當時的確可以嘅，但系咪要再破呢？好話唔好聽我都60歲，如果系咁破紀錄會好攰，今次系自己值得紀念嘅演唱會，留住呢個都夠。」

未完待續,請點擊「下一頁」繼續閱讀