張學友否認財困！講明唔退休出年拍電影還人情債

他續謂但並不代表停下來，自爆沒有退休論：「聽到好多朋友同我講想退休，我系唔系好明，或者我自己系慣咗喺工作上搵存在價值，所以之後會繼續做、做好自己。」

提起學友本計劃巡演後辦音樂劇，他不諱言表示的確已籌備了10年，追問是否因疫情面擱置？他否認說：「有繼續，只系前進得比較慢，加上疫情唔敢見面少，唔夠膽開會，系唔會擱置。」再言音樂劇跟演唱會不一，後者相對地簡單，因為是較個人化，再練跳舞就可以上台演出；而前者則是集體事，若然冇演員、劇本就難以成事。

貴為「歌神」的學友原來都有貼地一面，疫情期間他留在家中學做家務助理，負責清潔及修理任務，久而久之沒有家務不曉，又自詡學識用洗衣機及洗碗機，簡直是Level up！

當笑問最大受益人是否太太羅美薇？他卻爆笑謙說：「我只系識啲最簡單、普通技能，我唔系出世喺富裕家庭，但屋企重男輕女，唔會掂廚房嘅嘢，到大個入咗呢行又有好多人幫我掂，但疫情期間唔掂唔得！啲家傭返咗鄉下返唔到嚟，所以焗住要自己做。」愛上做家務？他抵死擰頭話冇：「但系有多咗份自豪感，冇死到，求生本能強咗，系有得益嘅！」

學友又透露明年目標除了表演之外還會「出山」拍電影，受訪時亦再有漏口風說已初步答應演出：「明年上半年嘅計劃。（喺邊度拍？）只可以喺香港拍，冇隔離呢個本錢，哈哈！我又系被需要嘅人嚟。（離開會掛住屋企人？）反而好多時系我自己放唔低，要兩邊兼顧。」角色吸引力大到令你久別演出？學友搞笑自嘲：「系太耐冇嘢做，你睇我好、我睇你好咋！一嚟想做嘢、二嚟系還人情債嘅！」

最後，問到他如何將廣東歌推進至大灣區發展？學友說希望有更多機會將歌曲傳播至不同地方，又舉已故歌后鄧麗君做例子：「佢都冇去過內地，但佢啲歌都紅遍內地，就系靠歌手特質夠強，自己儘量做多啲廣東歌。」覺得現今樂壇能重返以前80、90 年代光輝的音樂年代？他坦言比較難，但又不是沒可能：「香港依家培訓新一代嘅能力冇咁強，雖然有好多比賽培養新人，但系咪保證能夠達到演出水平？韓國新人一出嚟已經準備好，我哋都要趕上節奏。」

另外，有台灣媒體問到學友有關早前傳他破產的傳聞，學友親口否認，並指都有留意到網上的不實傳聞，這是一個很大的誤解，又笑說自己有儲錢習慣，沒有任何財困問題。