娛樂
方力申唔爭氣老爸滿街找未來新抱！同陳瀅主動加吻戲慘被Cut
星島網：方力申唔爭氣老竇周街搵未來新抱 同陳瀅主動加咀戲慘被葉念琛Cut曬
7年冇拍劇的方力申，今年拍了兩套劇包括老友葉念琛的作品《美麗戰場》，更跟緋聞女友陳瀅首度合作，他承認同女方好熟，扮夫妻更有默契，甚至大貪到自動加咀戲搞到葉導嗌停。
另外，42歲玩了一年交友App依然食白果的小方，自爆父母超心急飲新抱茶，方爸爸更緊張到主動為阿仔搵女友，舉動嚇親全家相當爆笑。
採訪：杜杜攝影：朱偉彥髮型：Kin Tam@ ILCoplo化妝：Yen Lai服裝：5cm
葉導之前接受《頭條日報》訪問提到，搵小方拍劇全因對方近年太少演戲，仲笑問他「系咪退咗休？」，小方承認疫情搞到演戲機會大減，「我都問自己，點解冇人搵我拍戲慨？冇理由㗎！我曾經都系二千萬票房《紀念日》慨男主角，唔通我得罪人？疫情系最大關鍵，劇組又少咗好多，香港或內地度度都封，做戲、登台唱歌都有好大影響。」
拍激咀戲似打爛仔交
葉導欽點小方拍《美麗戰場》，後者的第一個反應，是因為他跟陳瀅的緋聞，「渠凈系話第一次嚟TVB拍劇，一定要我，但我開頭好衰咁話，『你搵我都系因為我同陳瀅傳過緋聞』，渠都鬧咗我一輪！哈哈！」
小方再投訴聽足葉導指示為扮富家子「龐振宇」做準備，專登減肥、唔健身、唔曬太陽，希望睇落白凈瘦削啲，點知反被葉導鬧，「渠又要我哋減肥，但每日又外賣又宵夜，我真系唔食㗎！嗰班女仔一啲自控能力都冇系咁食，我坐喺度就唔食，但系換嚟導演鬧我，『你減肥唔食嘢就做唔到我要慨感覺，因為你肚餓』。」
講到跟朱晨麗的激咀戲，小方表示拍攝時冇感覺，「拍慨時候好快，成場戲十五分鐘之內拍完，好短，大家見到就系咁多，呢啲戲其實好似動作戲咁，因為大家都唔知做咗啲咩，好似打爛仔交咁。」
未完待續,請點擊「下一頁」繼續閱讀
文章來源：網易娛樂
