方力申唔爭氣老爸滿街找未來新抱！同陳瀅主動加吻戲慘被Cut
至於同緋聞女友陳瀅合作，小方承認溝通可以好直接，仲自爆兩人主動加咗咀戲，「我要爆嚇料，但系可能會畀人鬧，我哋好熟做戲就好直接冇所謂，有啲戲我哋會蜻蜓點水咁錫。但系有一場講我放工返嚟，好自然咁就錫咗一啖，第一個take OK，第二個take都系咁做，到第三個take導演話其實呢場唔需要錫㗎喎！後尾就cut咗。」
劇情雖然講曬小方同陳瀅由認識到離婚，但兩人依然覺得對手戲太少，「我就真系覺得唔系好夠，渠都有講過，嗰時大家坐埋一齊無聊傾偈，講到再拍多套會揀邊個女主角，我話揀陳瀅啦，因為呢套未夠呀！」
擇偶要合眼緣脾氣好
單身5年的小方仲有玩交友Apps，仲大呻玩咗一年完全識唔到女仔，「梗系搵唔到啦！我邊敢，都系得個講字之嘛！講過五句嘢都唔多過五個人，我add咗幾個朋友，渠哋話唔好嘥渠quota，我當見嚇陌生人咁樣咋！男人有時都會彈出嚟，我好嬲呀，我明明揀女仔但有男仔彈出嚟，好彩幾靚仔，我有啲朋友拍緊拖，都系因為我叫渠玩咋！」
不過小方強調唔恨拍拖同結婚，「我真系唔需要拍拖㗎！睇我咁多年冇拍拖，我唔系一個咁需要談戀愛慨人嚟，我好忙好多朋友，成日全男班好dry。」
42歲的小方承認父母有催婚，早前上節目見到蘇民峰，方媽媽之後即追問他，「『渠有冇講你幾時有姻緣、桃花，幾時會結婚？』渠幾緊張呀！但我話唔記得咗咯！」
而方爸爸更加主動出擊周街搵未來新抱，「之前搭地鐵見到個女仔讓座畀我Daddy，嗰時仲未要戴口罩，渠有甜美慨笑容，Daddy話好想同渠講『我系方力申老竇，不如交換電話』哈哈！朝早去食早餐，見到啲好照顧老人家慨職員，渠都想問對方有冇男朋友想介紹畀我識，但畀我阿媽㩒住咗，怕對方以為系Daddy想識。」
小方話揀對象冇特定標準，合眼緣兼脾氣好就得，雖然他希望另一半是圈外人，但承認自己生活圈子太細，「我當然唔希望畀人講咁多，亦唔希望我慨另一半要畀人講，但我又唔出去約人，可能最後尾另一半都系合作慨朋友、同事。」
如果大家有好女仔介紹，不妨上社交平台PM小方啦。
