入行23年不求拿視帝只想要影帝！黃宗澤自爆最怕女友黏人

星島網：黃宗澤最驚女友黐身：小鳥依人真系唔得

入行23年唔強求拎視帝只想攞影帝

黃宗澤（Bosco）首度加入「法證」系列，主演台慶劇《法證先鋒V》，他好鍾意劇中的古怪法證人員角色，令觀眾好有新鮮感，不過講到爭視帝就完全唔期待，唯獨對攞影帝流曬口水。

本月13日便42歲，曾被航拍機擊中受輕傷的他承認年紀唔輕，現在拍動作戲會更「錫身」。舊愛胡杏兒已經是三子之母，單親家庭長大的Bosco直言冇成家立室概念，更怕女友太黐身，寧願約朋友去玩，所以完全唔心急搵另一半。

Bosco首度參與《法證》系列，他承認最初有壓力，怕毀了這個經典，但睇完劇本發覺好有新鮮感，因演的「余星柏」同以往的法證人員好唔同，勝在夠古怪亦跟他性格有好大反差，「成日睇開嗰啲戴住黑超行去事發地點，跟住攞個箱出嚟做嘢，我呢個有時自己唔去，叫人去做呀！」

講到繼2018年《飛虎之潛行極戰》再跟王敏奕合作，Bosco竟搞笑話：「我覺得有『保護家嫂機制』，我哋完全冇親熱戲囉！哈哈！」他解釋純屬講笑，因兩人劇中關係非一般，「首先系女追男，同埋一個咁怪慨人，點會接受得到一個傻大姐咁慨女警嚟追渠吖！」

攞唔到視帝認命

《法證V》作為台慶劇，得獎機會自然被睇高一線，不過入行23年的Bosco卻對獎項睇得好淡，「我從來都冇諗獎，唔關我事啦！我哋做演員、藝人，就系提供娛樂、歡樂畀觀眾，觀眾覺得正喎，好睇已經夠。」

不過他一直都在海外頒獎禮奪獎，今年4月時便憑劇集《非凡三俠》在《紐約電影電視節》奪得「最佳男主角」優異獎，相反他跟TVB的視帝獎總是擦身而過，會否有遺憾？他表現輕鬆：「無緣，認命啦！哈哈！時也，命也，有獎攞當然開心，始終系個鼓勵，但系咪好強求一個獎，真系冇，視唔視帝對我嚟講又唔重要。」

未完待續,請點擊「下一頁」繼續閱讀