入行23年不求拿視帝只想要影帝！黃宗澤自爆最怕女友黏人

不過對於影帝，他卻直認好恨攞，「影帝梗系啦！呢個系香港最崇高慨金像獎，如果呢個都攞到，就真系冇嘢好講！呢個真系恨，但系都好被動，一個演員要等一個機會，一個好劇本，令到你有機會入到圍，都已經被動！」

周身傷患好錫身

出名拍戲搏命，因而經常受傷的Bosco，早前拍電影《無間一戰》時，與拍檔林子善被航拍機擊中，幸有驚無險，但他重提這事仍猶有餘悸，「嗰場講子善中咗槍，我跪喺地抱住渠，第一take冇事，但第二take聽到啲怪聲，我同子善都知瀨嘢，望上去有盞頂燈加上夜晚睇唔到架機喺邊，聽聲系撞緊落嚟，我咪即刻攬埋子善，兩個人個頭黐埋一齊，真系中我個頭，好彩個機葉冇打中，只系打中手指。」

經歷多次受傷的他，自言年紀唔輕，所以近年已學識「錫身」，「以前拍動作戲，睇一次排一次就嚟，但家點都會要求試一次畀我睇先，唔系以前廿幾歲，家傷咗復元時間要長啲，我上次只腳抖得12日就開工，我仲記得拍完去東京，死都要行好渠，行咗幾日只腳又真系唔痛喎！點知隔兩日飛返香港，執行李去機場，條頸有少少唔舒服，諗住系瞓捩頸，點知落機時只手痹痹哋再睇醫生，原來頸椎有少少移位，整傷咗神經線，跟住又要抖半年，原來只腳傷咗影響，同埋有啲舊患積咗落嚟唔知。」

冇朋友敢一齊食飯

早前Bosco被拍到跟「翻版李施嬅」，到他經營的餐廳食晚飯而被指有新歡，他就解釋開工食飯盒多，難得放假就會約朋友去玩兼食好嘢，「嗰個梗系唔系啦！唔好成日屈我啲friend啦！你哋成日屈到新識朋友都唔敢一齊食飯。」

他更愈講愈勞氣，「嗰時四人限聚，凈系cut我哋兩個，對面有個男仔同埋TVB幕後人員又唔話渠，有冇搞錯？！」

雖然就快42歲，但他坦承對成家沒概念，「阿媽覺得冇咁需要先啦！二來唔知系咪自己細個單親，唔會好憧憬阿爸又拖住個女，阿媽拖住個仔湊夠個好字，煮飯行公園去旅行，我真系完全冇呢個picture。（最多都系搵個伴？）都可以咁講，真系覺得有就有冇就冇囉！」

冇女陪的他，就算放假亦不愁寂寞，「約朋友出海，一系食飯，一系買餸煮飯，不知幾爽，我又唔鍾意人黐身。」

他承認揀女友首要夠獨立，「我咁多嘢做，又成日周圍飛開工，唔獨立就死得，小鳥依人唔得啦！我cannot，千祈唔好，呢個系先決條件，其他嘢再講。」